قال ايه فتنه طائفيه :اصطبحنا واصطبح الملك لله خير اللهم اجعله خير عندنا ايه النهارده ؟فتنه طائفيه
بتقولوا مين يا ولاد ؟فتنه طائفيه
هيييييه(بتنهد يعني) حد كده يفهمني يعني ايه فتنه طائفيه اصل أنا ست مخي ع أدي ومبفهمش الكلام المجعلص ده ..تكونش دهين اللي المسلم يكره المسيحي والمسيحي يكره المسلم؟
يخيبكوا يا بعدا(مش انتوا بتوع الفتنه دول) ليه انشاءالله يعني أنا مسلمه هزيد حته لما اكره مسيحي ولا المسيحي هيزيد حته لما يكرهني ؟ايه منخيره هتبقي بتلات خروم مثلا؟
يجيلكوا ويحط عليكوا انتوا عايزين ايه داحنا عملنا ثوررررره عارفين يعني ايه؟
يعني منك له تقريبا الف واحد ماتوا و٦٥٠٠مصاب عشان تيجي سيادتك تروح مولع في كنيسه ولا قاتل واحد عشان مراته منتقبه ز دت ايه انت كده ؟رضيت ربنا ؟نصرت دينك؟ كده انت حلو وهتدخل الجنه؟كشفت راسي ودعيت عليكوا يا بعدا
أنا مش عايزه افتي وأقول آيات شريفه لأني اقل كتير من كده بس دي مش محتاجه فكاكه أني اقول ان ده أكيد مش بيرضي ربنا ده يعني..اقول ايه بس
وبدل يا عين امك منك له ماتمسكوا في بعض اعملوا حاجه تنفع البلد وترضي ربنا فعلا..جمعوا فلوس وابنوا جامع او كنيسه (مش ده احسن بذمتك؟) بلاش ابسطهالك لما تلاقي ورقه في الشارع شيلها بلاش ابسطهالك مترميش انت في الارض متشتمش حد متحطش صوباعك في منخيرك اهم حاجه تبقي ايدك مشغوله بحاجه عشان متضرش اللي حواليك ويا سلام بقه لو كانت مشغوله بحاجه تفيد اللي حواليك يبقي ميه فل وعشره
والهي يسترك انت وهو ماتنضاموا أبدا ،افتكروا دائماً الشهدا اللي ماتوا عشان تبقوا انتوا تقدروا تتخانقوا اساساويبقي لكوا صوت ....ومتشمتوش ابله ظاظا فينا في ناس بتشمت بجد يعني يرضيك ناس من جنسيات اخري يقولولي بالحرف انتوا عندكوا المسلمين والمسيحيين بيكرهوا بعض كتير واحنا مش زيكوا احنا عندنا المسلمين والمسيحيين أخوات؟
واحنا اصلا اللي المفروض اخوات بجد يعني أنا متأكده أني لي جدود مسيحيين لو كانوا عايشيين اكرهم؟ ما كل واحد يعبد ربنا زي ماهو عايز
اخر القول عشان تعبت بطل يا خويا منك له الحركات العيالي دهين وفوقوا بقه للبلد بدل ما واحنا مش واخدين بالنا ومشغولين في خناق بعض نجيب فرعون تاني ودي بقه تبقي خيبه الأمل اللي راكبه جمل ومدلدله رجليها ومتقولوليش نبقي نثور عليه لهوا انتوا مدريتوش؟ مش جرموا التظاهر ،ايوه صحيح بس دي بقه هبقي أعدد عليها وقت تاني ان شاء الله
بتقولوا مين يا ولاد ؟فتنه طائفيه
هيييييه(بتنهد يعني) حد كده يفهمني يعني ايه فتنه طائفيه اصل أنا ست مخي ع أدي ومبفهمش الكلام المجعلص ده ..تكونش دهين اللي المسلم يكره المسيحي والمسيحي يكره المسلم؟
يخيبكوا يا بعدا(مش انتوا بتوع الفتنه دول) ليه انشاءالله يعني أنا مسلمه هزيد حته لما اكره مسيحي ولا المسيحي هيزيد حته لما يكرهني ؟ايه منخيره هتبقي بتلات خروم مثلا؟
يجيلكوا ويحط عليكوا انتوا عايزين ايه داحنا عملنا ثوررررره عارفين يعني ايه؟
يعني منك له تقريبا الف واحد ماتوا و٦٥٠٠مصاب عشان تيجي سيادتك تروح مولع في كنيسه ولا قاتل واحد عشان مراته منتقبه ز دت ايه انت كده ؟رضيت ربنا ؟نصرت دينك؟ كده انت حلو وهتدخل الجنه؟كشفت راسي ودعيت عليكوا يا بعدا
أنا مش عايزه افتي وأقول آيات شريفه لأني اقل كتير من كده بس دي مش محتاجه فكاكه أني اقول ان ده أكيد مش بيرضي ربنا ده يعني..اقول ايه بس
وبدل يا عين امك منك له ماتمسكوا في بعض اعملوا حاجه تنفع البلد وترضي ربنا فعلا..جمعوا فلوس وابنوا جامع او كنيسه (مش ده احسن بذمتك؟) بلاش ابسطهالك لما تلاقي ورقه في الشارع شيلها بلاش ابسطهالك مترميش انت في الارض متشتمش حد متحطش صوباعك في منخيرك اهم حاجه تبقي ايدك مشغوله بحاجه عشان متضرش اللي حواليك ويا سلام بقه لو كانت مشغوله بحاجه تفيد اللي حواليك يبقي ميه فل وعشره
والهي يسترك انت وهو ماتنضاموا أبدا ،افتكروا دائماً الشهدا اللي ماتوا عشان تبقوا انتوا تقدروا تتخانقوا اساساويبقي لكوا صوت ....ومتشمتوش ابله ظاظا فينا في ناس بتشمت بجد يعني يرضيك ناس من جنسيات اخري يقولولي بالحرف انتوا عندكوا المسلمين والمسيحيين بيكرهوا بعض كتير واحنا مش زيكوا احنا عندنا المسلمين والمسيحيين أخوات؟
واحنا اصلا اللي المفروض اخوات بجد يعني أنا متأكده أني لي جدود مسيحيين لو كانوا عايشيين اكرهم؟ ما كل واحد يعبد ربنا زي ماهو عايز
اخر القول عشان تعبت بطل يا خويا منك له الحركات العيالي دهين وفوقوا بقه للبلد بدل ما واحنا مش واخدين بالنا ومشغولين في خناق بعض نجيب فرعون تاني ودي بقه تبقي خيبه الأمل اللي راكبه جمل ومدلدله رجليها ومتقولوليش نبقي نثور عليه لهوا انتوا مدريتوش؟ مش جرموا التظاهر ،ايوه صحيح بس دي بقه هبقي أعدد عليها وقت تاني ان شاء الله
ليست هناك تعليقات:
إرسال تعليق